اسباب تساقط الشعر

اول شي السلام عليكم ورحمة الله وبركاته ...

طبعا حبيت اعرضلكم الموضوع دا لانو بصراحه ما في احد فينا ما يعاني منو وهوا تساقط الشعر وجمعتلكم اكتر وهم الاسبااااااااب اللي تسبب تساقطو بشكل كبير وانشاء الله تعم الفايده ما اطول عليكم ...

أسباب تساقط الشعر :



1- غسل الشعر بالشامبوبشكل مستمر:

وينصح لغير الشعر الدهني بغسله 3 مرات في الشهر بالشامبو، بينما ينصح لذوي الشعر الدهني بغسله بالشامبو مرة كل اسبوع .... طبعا مو معقوله نبقى معفنين طول الشهر فاكيد في حل وهوا الصابون الطبيعي اللي بزيت الزيتون وورق الغار والحبه السوده هذي الانواع كلها مفيده اولا تنظف جيدا اكتر من الشامبو بالذات الفروة وما تعمل قشرة و تعطي الشعر لمعان بالاضافه انو اي عطر تحطه على جسمك بعد الاستحمام تعلق ريحته بالشعر الين الاستحمامه الجايه وهذي انا مجربتها وعلى ضماني ....

كمان يخللي الشعر مو بسرعه يتوسخ ويزيت وكمان ما يعجل بالشيب لانو كلنا عارفين اننو تركيبه الشامبوهات الكيميائيه تضعف من ماده القيتامين في الشعر مما يؤدي لظهور الشيب ..


وكمان هذي معلومه مهمه جدا جداا جدا للمتزوجين انو بعد اي ممارسه جنسيه يجب الاغتسال فورا لانو تاخير الاغتسال له اضرار عده بذكرها لكم بموضوع تاني بعدين بس بذكر دحين اللي تتعلق بالشعر
وهيا انو تاخيرة يسبب ظهور قشرة بسبب افرازات تفرزها فروة الراس اثناء العلاقه مما يؤدي التاخير في ازالتها بتحولها الى بكتيريا مسببه للقشرة كمان تسد مسامات الفرروة ممايؤدي الى عدم وصول الاكسجين للبصيلات فيؤدي الا تساقط الشعرة
واكيد كلكم تلاحظو انو بعد العلاقات الجنسيه الشعر بيطيح كتير مرة، كمان في هذة الحاله تكون الشعرة ضعيفه فستخدام الشامبو والمواد القويه اللي فيه تكون عامل فعال جدا في عمليه تساقط الشعرة ...




2- ممارسه العاده السريه للكبار والاطفال وهذي والله ما ادري ليش من الاسباااااب بس المعلومه انا متاكده منها لانو جايبتها من احصائيه عملتها بنت خالتي وزملائهافي دراستهم بكندا وتقول ان اكبر عامل مسبب للتساقط الشعر العاده السريه وان اليوم اللي يمارس فيها الشخص العاده نسبه تساقط شعرة تزيد 75% عن الايام الباقيه غير انو باقي الايام كمان شعرو بيفضل يتساقط ....



3- غسل الشعر اكتر من مرتين في الاسبوع .



4- وهدي نقطه مهمه ومفيده للشباب والبنات طبعا انتو عار فين كيف شعور الصعايده غزييييييييييرة مرة ماشاء الله ههههههه ليه لانهم غير انو طبيعه شعورهم واكلهم والكلام دا انهم يغطو شعورهم وهما نايمين ، يقولك الشعر لمن انت تكون نايم وتتقلب عالمخده يتحكحك في المخده بالتالي مع الايام بيتقصف ويطيح بالذات الشعرات الخفيفه اللي في مقدمه الراس ....




5- الحاله النفسيه كمان لها دور ..



6- الرياضه بالذات انو الشعر مرتين في اليوم يحتاج مساج خفيف باطراف الاصابع ندلك على الفروة عشان دا يساعد تنشيط لدورة الدمويه في الراس وهدا مفيد للشعرة .. وانا انصح بالرياضه للي بشرتهم فيها حبوب ومو صافيه لانو كثرة التعرق مع التنفس الجيد وتنشيط الدورة الدمويه يخللي البشرة تصفو تماما وهذي انا مجربتها بس انا ما عندي حبوب بس كنت احس وجهي مرة تعبان من كتر ما احط بلشر ههههههه وميك اب عشان كانت فترة زواجات ههههه ..





7- الغذاء السليم .. والعسل ترى انصح فيه مرة والله ايام كنت اخد عسل ملعقتين صبح وليل كان شعري مرررررررة قوي وتمام وما يطيح وغزير مرررررررة وكانت صحتي بوم ههه





8-شوفوا لمن ما ينغسل الشعر كم يون بيفرز زيوت طبيعيه كتيرين يقرفوا منها بس على فكرة هيا مرة مفيده للشعر بس تركها فيه كتير يسبب تساقطو ...






وخلاص هدا اللي قدرت اجمعوا لكم فياليت تكونو استفدتو وعرفتو اي من الاسباب ديه اللي شعرك بيطيح منها


وياليت ما حدا يمر على الموضوع من غير ما تكونو قريتوه كويس واستفدتو منو وسوري عشان طولت عليكم وعالجرأة اللي فيه بس لا حياء في العلم ههههههههه ...