انتا حر ...!!!

من طرف zombie333 الجمعة مارس 09, 2007 3:36 pm

* فى الشارع : من حقك ان تقول اللى انتا عايزوة و من حق أمن الدوله انوة يطلع عينك على اللى انتا قولتوة

* فى البيت : من حقك انك تقتل اخواتك طالما ان الجيران مش هاتحس بيك و من حق والدتك انها تقتلك لو الجيران سمعتكم

* فى الجامعه : من حقك انك ماتحضرش المحاضرات و تنجح اخر السنة بامتياز و من حق كل واحد بيحضر المحاضرات انوة يسقط اما عشان عندوة تخلف عقلى او عشان الملل او عشان اخطاء وقع فيها الدكتور ذات نفسة

* بين اصحابك : من حقك ان تلبس اللى على مزاجك واللى انتا عايزوة
و من حق اعزاصداقك انوة يبصلك باصة من اول صباع رجلك لحد ام راسك ويجيبك الارض بيها

* فى المستشفى : من حقك انك تقول للدكتور انتا عندك اية سواء قولتلوة عن طريق انك تزعق او انك تتألم وتعيط قدامة او تقولة عن طريق انك تخرص وماتتكلمش خالص
و من حق الدكتور انوة يسد ودانة او يسيبك ويروح يجبلك مناديل او انوة حتى يرقص على نغمة موبايله لما مراتة تطلبة

* فى المدرسه : من حقك الموجه انوة يمنع استخدام العصاية فى المدارسة
ومن حق المدرس انوة يستخدمها فى غياب الموجه
ومن حق الطالب انوة يضحك كل ما المدرس يجئ يضربوة

* فى المصالح الحكوميه : من حق موظف الحكومه انوة يفطر ويشرب كوباية الشاى بتاعتوة
ومن حقك انك تحط نفسك فى مشاكل مالهاش اول من اخر لو حاولت انك تعترض سنفونية شربوة للشاى بطلباتك المزعجه والممللة بالنسبالوة

* مع نفسك :من حق نفسك انها تتمنى انها تروح لحبيبها
ومن حقك انك تقطع كل علاقة تربطك بية لو كانت المواصلات صعبة

* مع الوزراء : اذا كان من حق نظيف انة يقزز لب فى المجلس
يبقى من حق الصحافين انهم يصوروة
ويبقى من حق الحكومة انها تطردهم برة مجلس الشعب عشان احرجوا نظيف باشا
وبرضوة يبقى من حق الصحاقين انهم يعملوا مظاهرات عشان اتطردوا برة المجلس
لكن مش من حق الشرطة انها تضربهم فى الشوارع وتكسر كاميراتهم عشان نظيف باشا الكاميرا لقطتوة وهوا بيقزز فى المجلس ....

و برغم كل دة ........

لسة..والحمد لله..كل واحد حر......

فى رنة موبايلوة ...

وربنا يستر على دى كمان .....

*̡͌l̡*̡̡ ̴̡ı̴̴̡ ̡̡͡|̲̲̲͡͡͡ ̲▫̲͡ ̲̲̲͡͡π̲̲͡͡ ̲̲͡▫̲̲͡͡ ̲|̡̡̡ ̡ ̴̡ı̴̡̡ *̡͌l̡*

من طرف **ELmaistro** الجمعة مارس 09, 2007 5:34 pm

ههههههههههههههه الحمد لله اننا لسه أحرار فى رنة الموبايل هههههههههههههههه
الف شكر على الموضوع يا أحلى مصطفى نورتنى بجد

من طرف S.H.O.D.A الجمعة مارس 09, 2007 6:02 pm

ههههههههههه يخرب بيت كده يا زومبي طلعت فقر موضوع لذيذ يا مان Rolling Eyes

من طرف زائر الجمعة مارس 09, 2007 6:24 pm

جميل يا مصطفى
والحمد لله على ان الواحد لسة حر فى حاجة
ههههههههههههههههه

اهلا بيك زومبى اية الجمال دة يا ابنى انت هتموتنى ناقصة عمر من الضحك دة
بجد والله كويس انى فى شىء يخصنا لوحدنا ممكن بعد شوية يخترعو شىء يسرق احلامك كمان ربنا يستر علينا
اشكرك ياسمين
وراك وراك حتى هنا وفى اى منتدى Basketball